Tita Heart: Gi-deadma

DEAR Tita Heart,

Gud Day to you.. Tawga lang ko sa ngalan nga ms. Lover, 20, taga Carmen, Cdeo. Akong problema about sa amahan sa akong anak. Kaniadto paman gud sa wala pami anak gugmahan kaayo siya nako ug dihang nasapon ko niya nga nay lain uyab nasuko siya nako hangtod karon. Mag one year na ug 4 months ang among anak. Karon bulag mi pero naa ko nagpuyo sa ilang balay kay wala man koy mapuy-an, broken family ko ug dili mi arangan. Karon tita akong gibuhat ang tanan para mahimong okey pero wala japun nahitabo nibalik siya pagka playboy. Bisan unsaon nako og lingaw akong self siya lang japun akong sige og huna-hunaon. Unsaon man nako ni Tita kay wala gyod mi tingoga murag wala lang nahitabo sa amo duha.

Ms. Lover

*****

Hello Ms. Lover,

Imo mangi-break ang iyang trust mao dili nimo mabasol siya nga ina-ana iyang bation sa imoha. Wala unta ka nanguyab og lain apan kay humana man tanan dawaton na lamang nimo ang tanan. Kini man gud ang lalaki lisod kung mawala ang ilang pagsalig kay dili na mausab ilang huna huna, dili man tana pero sagad kanila. Ang imong buhaton pokos nalang usa sa imong anak ug respetuha ang pamilya sa lalaki labina naa ka diha nagsaka. Basin diay mabalik iyang gugma kanimo kung makita niya nga seryoso ka sa inyong anak ug dili naka mag-uyab-uyab.

Tita Heart