Tita Heart: Bana sa igsuon nasapnan

Dear Tita Heart,

Maayong adlaw kanimo tita ug sa tanan suki sa Superbalita nga gabasa kanunay. Ako si Honey tita nagpuyo ko diri sa Cagayan de Oro. Akong problema tita kay nakita nako ang bana sa akong igsuon kuyog ang lain nga babae tita ug dili lang kausa apan katulo na kahigayon. Tita nakadungog sab ko nga naa siyay lain. Akong sister naa karon nagtrabaho sa Cebu. Ako unta siya tug-anan apan gaduha duha ko mahimo kong dautan labina awayon ming duha. Salamat.

Honey

*****

Hello Honey,
Kung concern ka sa imong igsuon imong tug-anan. Next time pod pagmakita nimo iyang bana nga naay kauban lain pagsekreto og kuha og hulagway aron pod naa kay ebedensya labina kasagaran man gud moingon dayon to see is to believe. Usa pod imong pagsulti sa iyaha imong pasabot nga concern ka kaayo ug bisan ikaw dili ka gusto madaot ilang relasyon apan mas maayong sayo pa makabalo siya nga gibinuangan siya sa iyang bana.

Tita Heart