Tita Heart: Wala naburos

DEAR Tita Heart,

Maayong adlaw kanimo tita ug sa mga suki sa SuperBalita. Ako si Glenn, nagpuyo diri sa Camiguin. Akong problema tita kining akong kaipon nga dili gakaburos. Upat nami ka tuig nag ipon apan wala gayud mi nakabuo.

Dili man pod ako ang problema kay naa koy naburosan sa una apan nakuhaan ug nagkabulag ming duha. Tita unsay akong buhaton gusto gayud ko og makaanak ko ug makakita og liwat.

Glenn

*****

Hello Glenn,

Maayong adlaw sab kanimo. Siguro makasabot imong kaipon sa imong gusto nga mahitabo. Mas maayong magpa-check up siya sa doktor aron gyod mahibaloan asa ang problema nganong dili siya mamabdos. Ayaw lang sab og huna huna sa pagbulag kay sayang pod inyong pinagsamahan. Pangitae og paagi kay basin lang pod wala pa gihatag kana nga gasa gikan sa Ginoo.

Tita Heart