Tita Heart: Paundangon sa work kay magminyo

Dear Tita Heart,

Good morning Tita. Ako diay si Jelayla, akong problema tita akong uyab karon nga gusto ko paundangon sa trabaho kay magminyo ming duha. Dili ko musogot tita pero dili gayud siya kay naa siya pagkaseloso. Mosugot ba kaha ko tita nga regular napod baya ko sa akong trabaho.

Jelayla

*****

Hello Jelayla,

Labihan gayud kasayop sa iyang panglantaw nga moundang ka kay magminyo mo unya didto raka sa balay magpuyoay. Sa panahon karon nga mahal ang palaliton ug ikaw pod babae naay kaugalingon nga panginahanglan nga usahay dili mapalit sa imong bana, kinahanglan pod ka manarbaho. Ayaw gayud pag-undang sa trabaho kay kung trabahante pod ka ug regular naa man kay insaktong benipisyo sa pagpanganak puhon, maka-leave pod ka sa preparation sa inyong kasal ug sa kasal mismo. Usa pod hunahunaa og maayo kung siya ba nga lalaki ang imong ubanon sa kinabuhi labina nga seloso ug gusto siya magbout kanimo.

Tita Heart