Tita Heart: Gasul-obon ang mga sinina

DEAR Tita Heart,

Maayong adlaw nimo Tita ug sa mga gabasa sa SuperBalita. Akong problema tita mao kining akong manghod karon nga babae nga kusog manul-ob sa akong mga sinina. Nag-work nako tita ug ako man sab siya gapalitan. Naa lang gayud siyay maibgan sa akong gamit iyang sul-obon nga dili gapananghid.

Tita sige mi away tungod ani nga butang, unsay angay nako buhaton nga mahunong ni niya nga attitude kay dili ko ganahan.

Aryana

*****

Hello Aryana,

Siguro kinaiya pod sa uban pinoy labina magsuon nga close kaayo nga mag-sharing sa ilang mga sinina. Apan sa inyong sitwasyon unta imo siyang sultihan nga dili ka ganahan nga uban nimo gamit lakip sa iyang gamiton. Ibutang sa aparador nga adunay kandado imong mga gamit nga dili nimo gusto iyang masul-ob aron mas makabalo siya nga duna sab mga butang nga personal nimo nga dili pod pwede niya gamiton.

Tita Heart