Tita Heart: Minyo nga in love sa textmate

DEAR Tita Heart,

Ako diay si Kettly. Minyo ko ug ang akong problema tita kay kasal ko sa ako bana pero wala man gayud ko nahiguma niya tita. Mao nag text-text ko.

Unya tita kay nag meet nami sa ako textmate, nahilabtan ko niya ug feel nako nga love nako siya.

Mag 25 years nami sa ako bana karon apan wala man ko nahigugma niya pero kining akong textmate kay gibati nako nga love nako siya tita. Unsaon man kaha nako ane nga makigminyo man nako ang ako textmate kay love pud kuno ko niya pero wala man mi nag bulag sa ako bana ug love pud ko sa ako bana?

Ako lang ang wala nahiguma kay napugos raman gayud ko pagpakasal. Abi nako ug matun-an lang ang gugma. Hangtod karun wala man gihapon tita. Please tabangi ko. Gusto ko nga mabasa ang imong tubag ugma. God bless tita.

Kettly

*****

Hello Kettly,

Maayong adlaw sab kanimo ug salamat sa pagsulat. Gipaabot pa gayud nimo og 25 ka tuig inyong kaminyuon usa ka nakasulti nga wala nimo gihigugma imong bana?

Basin nabuta lang gayod ka anang imong textmate nga bag-o lang nimo naila ug siguro gibulalaan lang ka og mga maanindot nga pulong gihatag na nimo imong kaugalingon. Una, dili ka pwede magpakasal anang imong txmate kay minyo man kaha ka sa imong bana sa 25 na ka tuig.

Ika-duha pod, kung wala gayud kay love sa imong bana wala na unta nimo gipaabot pa og pila ka tuig ug imo na giprangkahan imong bana aron dili siya maglaom kanimo ug gawas anaa makapangita siya sa babae nga mag-love pod unta balik niya.

Sa tinoud lang imo lang giluoy-luoy imong bana ug nabutang nga dili ka faithful sa inyong duha kay nangabit ka. Hunahunaa og maayo kung unsa ang mga kaayo nga gihahatag sa imong bana ug kung mobulag ka sa iyaha karon kay pilion nimo imong texmate dili ba gayud nimo siya pangitaon.

Tita Heart