Tita Heart: Basin mobalik sa asawa

DEAR Tita Heart,

Maayong adlaw kanimo tita ug sa tanan tigbasa sa SuperBalita. Ako diay si Racquel ug nagpuyo dinhi sa Opol, Misamis Oriental.

Akong problema tita kay naa koy kaipon karon tita nga minyo. Kabalo ko asa ko molugar tita kay naa man siya tulo ka anak. Iyang mga anak tita mag-anhaan sa amoa ug makakaon apan bag-o lang tita nahibaloan nako gauli-uli pod diay ako kaipon sa ilaha ug gakitaan sa iyang asawa. Gaduda ko tita nga basin magbalik na sila sa iyang asawa kay namugnaw na iyang tinagdan sa akoa.

Ako na lang ba siya ihatag tita o ako ipaglaban labina love man nako kaayo siya. Salamat ug magpaabot ko sa imong tambag.

Racquel

*****

Hello Racquel,

Alang kanako ayaw na siya pugngi. Kung dalaga ka ug bisan pa niagi og kaminyo aduna pakay tsansa nga makakita og laing lalaki. Kung maayo na ilang relasyon sa iyang asawa ipabalik sila kay basin man gud dako pa siya og gugma sa iyang wife unya mahadlok lang siya og biya nimo. Dako man gud pod siya og responsiblidad sa iyang pamilya kay naa siyay tulo ka anak ug makatugot pod diay ka nga sa umaabot kung magkaanak pod mo doble doble iyang responsibilidad?

Tita Heart