Dear Tita Heart: Nihangyo one week pa

DEAR Tita Heart,

Maayong adlaw kanimo Tita Heart. Tawaga ko sa ngan nga si Mila. Akong problema tita bahin sa akong uyab nga naghangyo og sex. Dili ko tita kay one week pami nag-uyab ug labaw sa tanan, wala koy plano mosulod sa pre-marital sex hangtod dili ko makasal. Mao na akong promise sa akong mama ug sa akong kaugalingon. Unsa man kaha ako ibalibad sa ako uyab nga dili siya ma offend balibaran.

Mila

***

Hello Mila,

Abi nimo talagsa nalang gyod babae nga susama kanimo nga giprotektahan pa ang kaputli. Siguro ipasabot sa iya daan nga dili paka andam mosulod anang mga butanga ug imong i-encourage nga pwede kaayo molambo ang relasyon bisan og walay ingon ana nga butang nga himoun.

Tita Heart