Tita Heart: Speechless sa girl

DEAR Tita Heart,
Ako si Cynt, taga Cagayan de Oro ko ug 16 years old, girl pero boyish. Naa koy friend nga babae, gwapa, pution ug taas buhok. Sige mi kita niya ug makulbaan ko niya kung mag-istorya siya kay halos dili ko makatingog. Kung gapansinon ko niya igo ra ko motan-aw niya siya rako tan-aw.

Naa man siguro koy feelings niya tita kay wala ko kasabot sa ako gibati. Naa man unta koy boyfriend tita then ani nga babae rako makulbaan. Gaselos pod ko sa kauban niya nga lain. Gusto nako pirme siya makita.
Wala nako kasabot sa akong gibati. Tabangi ko kung unsaon nako ni akong gibati. Unsa akong buhaton tita?

Cynt

*****

Hello Cynt,

Salamat sa pagsulat kanako ug maayong adlaw kanimo. Dayag kaayo nga aduna kay dakong pagbati sa imong friend nga babae. Dili man gud normal imong panglihok pag siya imong makita ug signs siya nga naka-crush o nakagusto gayud ka sa iyaha.

Ikaw ra gayud ang makadesisyon kung imo ba ipaabot imong feelings sa iyaha or ikondisyon imong mind nga dili mo pwede kay naa nakay boyfriend. Louy sab imong boyfriend nga emotionally imong giluiban.

Tita Heart