Tita Heart: Kulang og presensya

DEAR Tita Heart,

Ako si Mary taga Tagoloan MisOr. Akong problema tita kining akong uyab karon nga gadudahan nako nga naa gyod lain. Una tita, with password gyod iyang cp ug wala ko kabalo. Bisan mag-uban mi magtext-text siya ug motawa-tawa as if wala akong presensya. Kung storyahon walay presence of mind. Timailhan ba ni tita nga naa siya gikabuangan lain?

Mary

Hello Mary,

Alang kanako mga 80 porsiyento nga duna siyay gikalingawan nga lain. Ang uyab man gud labina kung mag-uban mo iyang atensyon naa gyod sa imoha gawas siguro importante ug work-related ang iyang pagtext-text. Next time kung magstorya mo, kuhaa iyang cp aron paminawon ka ug once and for all confront him kay basin nag-expect ka sa iyaha nga maayo ang inyong relasyon siya pod diay naay gibou pod nga laing relasyon.

Tita Heart