Tita Heart: Gibabagan ang relasyon

DEAR Tita Heart

Ako si Sarah, 19 years old, taga Gingoog City ug akong problema naa koy uyab naghinigugmaay mi pero tutol ang amung sig-iya ka pamilya sa among relasyon kay nag skwela pa daw ko.

Bad influence daw ang pag uyab2x. Moabot ang adlaw nga gipa atubang siya sa among balay uban iyang pamilya kay iya kung minyoan. Sa dihang ako gipangutana, unsa ba daw akung pilion akong uyab or pamilya?

Kon uyab akung pillion, paundangun ko nila pero God knows kung unsa akong gusto makalampos pero siyempre pamilya akong pilion. Ila kong gipalarga og Cebu aron mopadayon didto og skwela. Tambagi ko please.

Sarah

*****

Hello Sarah,

Maayong adlaw kanimo. Siguro i-set aside lang usa ang uyab-uyab ug paghuman sa pagskwela.

Sakto imong desisyon nga ang pamilya imong gipili tungod kay sila maoy makasabot kanimo ug maningkamot molampos ka sa imong mga pangandoy. Naay insaktong panahon para sa inyong relasyon sa imong uyab ug dili ka angayan nga magdali dali. Kung kamo gyod para sa usag usa kamo man gayud diba ug siguro kana nga panahon successful naka ug naa nay naabot.

Tita Heart