Tita Heart: Overnight

DEAR Tita Heart,

Maayong adlaw nimo tita ug sa mga suking gabasa sa SuperBalita.

Tita tawaga ko sa ngalan nga Tisoy. Akong problema tita bahin aning akong uyab tita nga grabe kaayo ang kasuko sa ako nga nagkuyog ko mag overnight sa beach kauban akong mga classmate. Bulagan nadaw ko niya kay nagbakak ko niya.

Tita bisan unsaon pagpasabot dili gayud maminaw. Love nako siya tita pero kon bulagan ko niya okey raba kaha nga mosugot ko o magpadili dili sako. Naa man gud koy na crush kadtong pag-outing namo. Please tabangi ko tita.

Tisoy

*****

Hello Tisoy,

Imong hunahuna galibog kay bisan og naa nakay uyab nga imong unang giingon nga love nimo naa man pod diay laing girl sa imong huna-huna nga crush nimo. Kalibog ay!

Siguro pagbulag nalang mo sa imong girlfriend ug i-enjoy sa imong life as single. Kon sure naka sa girl nga imong i-love gayud og maayo. Pag naa nakay gi-love dapat man gud unta open inyong komunikasyon. Kanang mga laag nga susama ana dapat makabalo imong uyab mosugot siya ug sa dili. At least honest ka sa iyaha unta diba? Dili nimo siya mabasol kon masuko.

Tita Heart