Tita Heart: Maghikog kung bulagan

DEAR Tita Heart,

Ako diay si Aldren from Malaybalay City.

Ang problema tita kabahin kini sa akong uyab nga akong gibulagan. Three months rami tapos ako siyang gibulagan kay wala na koy love niya. Unsa man akong buhaton tita nga ana man siya nga kong bulagan nako siya maghikog daw siya kay dili niya kaya nga mawala ko sa iyaha? Unsa man akong buhaton?

Please tambagi ko tita beh kay sa pagkakaron ga problema gayud ko kay bata paman ko. Dili pa musogot akong mga magulang nga magkarelasyon ko. Tambagi ko.

Aldren

*****

Hello Aldren,

Maayong adlaw nimo.

Basin pod siguro imong gikuha na ang inampingan sa imong uyab unya kalit lang dayon nimong bulagan? Murag unfair pod siguro na sa iyaha. Dili paman diay ka andam, nganong nanguyab man ka? Dawbi kon maghikog na mapugngan nimo? Ayaw kumpiyansahi kay basin gayud unya ug tinud-on niya.

Communicate lang gayud sa iyaha pirme. I-assure siya nga bisan og bulag namo naa ka sa iyaha mo-support ug mag-love as a friend aron dili na niya huna-hunaon ang pagpakamatay. Walay lain makahupay sa iya gibati ikaw ra kay love ka niya.

Tita Heart