2018 Kuyamis sportsfest ipormal karon

Jaime A. Frias II

IPORMAL karong adlawa ang umaabot nga season sa Kuyamis Inter-Cities and Municipalities Sportsfest.

Magtigum ang kadalaing sports coordinators sa Misamis Oriental karon sa Pelaez Sports Center aron pagatukion ang ensaktong schedule sa dakong sportsfest sa probinsya.

Gikalipay ni commissioner Prexy Elipe ang taho nga niabot sa iyang buhatan.

Kini tungod sa posibleng pag-apil sa Gingoog City ug Munisipyo sa Lugait.

Gawas niana, posible sab mobalik ang Claveria sa umaabot nga sportsfest.

“Dako akong kalipay kay nag-ingon to’ sila kanako nga moapil,” ingon ni Elipe.

Kapin 19 ka LGUs sa probinsya ang nisalmot niaging season ug posibleng mosaka ngadto sa 22 karong tuig.

Ang kulbahinam nga sportsfest abri sa under-13, under-18 ug men’s open basketball.

Naa sab volleyball nga abri sa men and women’s divisions.