12 Oro boxers abante sa PSC-Pacman finals

Jaime A. Frias II

ABANTE na sa finals ang dose ka Cagayan de Oro boxers human mangdaug sa Philippine Sports Commission-Pacquiao Amateur Boxing Cup niadtong Sabado sa Macasandig covered courts.

Walay natatsa kanila ug pulos mopakita sa ilang tibook nga katakos sa umaabot nga final karong Marso 27 hangtod 29 sa Davao City.

Nagpakita sa ilang gilas mao sila Peter Payla sa 46 kilograms (kgs), Mark Lester Durens sa 48 kgs ug John Earl Palovino sa 50 kgs.

Naa sab sila Kim Bryan Cabrillos ug Dave Bryan Caspe sa 52 kgs, ug Ignacio Macas sa 54 kgs Daug sab si John Panuayan 60 kgs.

Sa babae, daug sab sila Mary Ann Laug-Laug (46 kgs), Jessa Lycca Caranagan (48 kgs), Elaide Pamisa (47 kgs), Irene Alice Caranagan (50 kgs) ug Bebe Porres (52 kgs).

“Kusog ilang gipakita ug akong dahum nga mapasar nila ang tanan hagit,” ingon ni city sports coordinator Jaymar Rivera.