Gamba 97, 99ers sayo mag-abot

SA WALA damha nga panghitabo, kalimtan sa Gamba 97 ug ang five-time alumni champion XUHS 1999 nga mag-abot ang duha sa final.

Ilang panag-agbat mahimong usa ka featured match sa 8th XUHS-ABA Basketball Tournament semifinal karong Biyernes didto sa Xavier University High School covered courts, Pueblo township.

Daan na nga sulod ang Gamba sa ikaduha nga pwesto sa St. Peter Faber Cup division, samtang ang Batch 99 wala damha nga motungtong sa ikatulo nga pwesto human giharus niini ang tulo ka nabilin nga dula.

Maingon nga ang division leader XUHS 2001maatbang fourth pacer Batch 2000 sa crossover match.

“Kung sinigurista lang, dapat wala nag-third ang 99ers ug sa fourth lang kung gusto nila mag-abot sa final kontra 97,” ingon ni ABA commissioner Dhon Lazo.

Dugang ni Lazo nga gituyo sa 99ers nga ila na giharus ug atbangon ang 97 diretso para ipakita nga wala sila mahadlok maskin kinsa.

Sa ingnani, magmaandamon ang 99ers tungod kay gitaho nga kompleto ang kabalriha sa Gamba.

Madahum nga modula si ex-San Miguel Beer forward Bitoy Omolon, samtang naa sab ang duha pa ka saligando nga sila Andrew Neri ug Nikku Benson Valles.

Sa uban division crossover, nangulo ang XUHS 1995 ni Shantao Moreno sa St. Francis Xavier Cup division ug maagbat ang Xavier United ni Erwin Raagas, samtang ang defending champion 1994 kontra Spartans 1991.

Sa St. Ignatius de Loyola Cup division, Jammers 2005 magsangka kontra Batch 2004, samtang 2002 batok 2007.