XUHS 1995 batok Alumni 2001 karong gabie

Jaime A. Frias II

Numero uno kontra numero uno ang mag-abot karong gabie sa 8th Xavier University High School Alumni Basketball Association (XUHS-ABA) Tournament sa XU Main Campus covered courts, dakbayan sa Cagayan de Oro.

Masulay sa XUHS 1995 ni Shantao Moreno ang katakos sa mas batan-ong Alumni 2001 pag-abli sa mga dula karong alas-6:45 sa gabie.

Nag-una karon ang 95ers sa St. Francis Cup division nga adunay 9-2 win-loss card, samtang ang ilang kaatbang nga ang 2001 solidong naa sa taas sa St. Peter Faber Cup nga adunay 7-2 record.

“Matira ang matibay ni and a showcase of the best-of-the-best of the generation,” ingon ni tournament commissioner Dhon Lazo.

Dungan sab maabli ang mga dula karon ang kulbahinam nga panagsangka tali sa XUHS 1997 ug 2004.

Inaton sa Gamba 97 ang ilang ika-walong sunod-sunod nga kadaogan, samtang gikinahanglan modaug ang 2004 karon aron mamintinar nila ang ilang pwesto sa ika-upat.

Ang 97 nagsunod sa 2001 nga adunay 7-4, samtang ang 2004 nisalo sa ika-upat ug ika-lima nga pwesto duyog sa 2006 nbga parehas adunay 3-5 slate matag usa.

Sa ubang dula sa alas-8 sa gabie, magsangka ang XU United ni Erwin Raagas ug 1996 ni Elich Alfante.

Magtabo sab ang 1994 ni Julius Pagute ug 1993.

Sa mg resulta niaging semana, giparot sa 2002 ang IAM 98, 67-63, samtang gipilde sa Spartans 91 ang 96, 69-56.

Gipukan sa 2006 ang 2000, 62-55, samtang daug ang 95ers kontra XU United, 56-48.

Dula karon:

6:45 p.m. -- 2004 vs 1997
6:45 p.m. -- 1995 vs 2001
8:00 p.m. -- XU United vs1996
8:00 p.m. -- 1993 vs 1994