Kulbahinam nga panag-agbat sa inter-public school karon

Jaime A. Frias II

KULBAHINAM nga panagsangka sa secondary boys ang mag-abot karon sa 2nd Cagayan de Oro Inter-Public School Basketball Tournament sa West City Central School covered courts, Cagayan de Oro City.

Mag-agbat ang Tablon National High School (NHS) Archers ug Carmen NHS alang sa silya sa second round sa alas-4 sa hapon karon Dominggo, Agosto 13.

Ingon man sab tali sa Iponan NHS Red Knights ug Canitoan NHS Blazing Bricks sa alas-5 sa hapon.

Sa ladies division, mosulay ang Misamis Oriental General Comprehensive High School lady Cavaliers pagsulod sa second round pag-agbat nila sa Carmen NHS lady Thunders sa alas-2 sa hapon.

Magsangka sab ang Tablon NHS baby Archers ug ang Cagayan de Oro NHS baby Tigers alang sa under-15 boys sa alas-3 sa hapon.

Mag-abot sab ang Southern City Central School Southern Stars ug ang Kauswagan Central School baby Warriors sa elementary pag-abli sa mga dula karon.