Frias: Labing bati nga torneyo ni So sukad nahimong World no.2

Jaime A. Frias II

WHEW!

Nahuman ra gayud ang kulbahinam nga third Mindanao Goodwill Chess Match sa panagbangi tali sa Cagayan de Oro-Misamis Oriental ug Davao Region niadtong Huwebes, Agosto 10, sa Robinsons Mall, Tagum City.

Tuod, pilde kami sa Cagayan de Oro-Misamis Oriental agi sa duha ka puntos nga deprensya batok sa Davao apan dikit ang panag-agbat sa duha ka bando sa iskor 14-12.

Mohatag ra ko og mga kaagi namo pagpaingon pa lang sa Tagum diin didto kami niagi sa delikado nga dalan sugod sa San Fernando, Bukidnon.

Ug, masaysay sab nako ang among pag-abot didto paingon sa among paguli.

Hulata ninyo sa suod.

***

Nasinati ni Grandmaster (GM) Wesley So ang iyang pinaka bati nga performance sukad nitungtong siya sa ika-duha sa kinakusgan sa kalibutan.

Naa karon sa kataposang pwesto si So sa 2017 Sinquefield Cup nga adunay 2.5 puntos sulod sa walo ka rounds ug niangkon og dakong kaltas sa iyang rating.

Basi sa live rating, nahulog siya sa ika-walo sa kalibutan tungod nasamdan siya og upat ka pilde kang GM Vachier Maxime Lagrave sa France, World no. 1 Magnus Carlsen, GM Levon Aronian sa Armenia ug bagohay lang kang GM Sergei Karjakin sa Russia.

Nagsalo sa unang pwesto sila Aronian, Lagrave ug GM Viswanathan Anand nga adunay lima ka puntos matag usa.

Nagsunod sila Carlsen ug Karjakin nga adunay 4.5 puntos matag usa.

Sa ubos mao ang pinaka huyang nga kapildehan ni So pag-agbat niya kang Aronian.

[Event "Sinquefield Cup"][Site "Saint Louis USA"][Date "2017.08.08"][EventDate "2017.07.31"][Round "6"][Result "1-0"][White "Levon Aronian"][Black "Wesley So"][ECO "D38"][WhiteElo "2809"][BlackElo "2810"]

1. d4 Nf6 2. c4 e6 3. Nf3 d5 4. Nc3 Bb4 5. Bg5 h6 6. Bxf6 Qxf6 7. Qa4+ Nc6 8. e3 O-O 9. Be2 dxc4 10. O-O Bxc3 [Gaduda ko ani. Dili man pwersado.] 11. bxc3 Bd7 12. Qxc4 Rac8 13. Rad1 Rfd8 14. Nd2 Na5 15. Qb4 b6 16. Ba6 Rb8 17. Ne4 Qf5 18. Bd3 Bc6 19. f3 Bxe4? 20. fxe4 Qg5 21. Rf3 c5 22. Qb2 e5 23. Rdf1 cxd4 24. cxd4 Rb7 25. d5 Rc7 26. h4 Qxh4 27. Qxe5 Qe7 28. Qg3 Qc5? [Qd6! only defense] 29. Rf6! h5 30. Rh6 Qc3
31. Rxh5 [Matod ni Aronian, ang mas sadista ang 31. Rh3] g6 32. e5 1-0