Xavier high 2006 mopusil og 3-0

Jaime A. Frias II

MOSULAY ang St. Ignatius de Loyola cup champions Xavier University High School (XUHS) 2006 nga mobira sa ilang ika-tulong sunod-sunod nga daug pag-agbat nila sa Batch 2005 sa 8th XUHS-ABA Basketball Tournament karong Sabado sa gabie, Hulyo 15, sa XUHS covered court.

Ang 2006 adunay duha ka daug sulod sa duha nila ka dula gikan pag-abri sa ning nga season, samtang ang 2005 adunay tagsa ka daug ug pilde.

Sa ubang dula, awhagon na sab sa Xavier United ang liderato ni Charome Marte pag-agbat nila sa five-time XUHS-ABA champions Batch 1999.

Apan, mahinanglan si Marte sa serbisyo sa ilang twin towers nga sila Erwin Raagas ug Nok-Nok San Jose.

Niagi, nagmagarbohon ang XU United paglatos nila sa 1997 sa iskor 64-34 niaging semana diin nilambo ang ilang rekord ngadto sa 2-1.

Ang 1999 sab nasagunsonan og duha ka pilde gikan sa ilang daug batok sa IAM 1998 pag-abli sa bagong season.

Maatbang sa St. Faber Cup champions XUHS 2000 (2-1) ang Batch 1993 (0-3).

Magsangka sab ang 1997 ug 2003 karong Sabado sa gabie diin parehas sila nga wala pay daug sulod sa tulo ka dulaan nila.