Eagles club inter-colors ablihon karon

Jaime A. Frias II

PORMAL nga paga-ablihon ang 2017 Golden Friendship Eagles Club (GFEC) Inter-colors Basketball Tournament karong Sabado, Mayo 20, sa Barangay 40 covered court.

Duha ka teams ang magbangi agi sa best-of-five sugod sa Game 1 karon.

Paga-ablihan ang torneyo agi sa official toss nga pagabuhaton ni GFEC president ug Kuya Joy-Joy Simene sa alas-6 sa gabie.

Sa dili pa ang official toss, adunay gamay nga seremonyas sa torneyo ug mismo si Simene ang mohatag og mensahe sa programa.

Ang haligi sa GFEC nga si Kuya Ben Rada, kinsa ang past president, mao ang usa sa mosaksi sa torneyo.

“Gawas sa kasamtangang presidente namo, dili mahimo nga wala ang among haligi sa club nga si Kuya Ben,” ingon si Jay Buot, usa sa miyembro sa club.

Naa sab si Kuya Manoy Mendoza nga usa sa mga nahimong haligi sa club ang moduyog pagsaksi sa pag-abri sa torneyo.

Si Kuya Bong Hilay ang gitugyanan nga commissioner sa ning tuig nga inter-colors.