Alvarez, Iponan gapanikad na

Jaime A. Frias II

GAPANIKAD na ang beteranong pitcher nga si Arthur Alvarez nga agakon ang Barangay Iponan A pag-abli karon sa 2017 Alubijid Fast Pitch Softball Open sa munisipyo sa Alubijid.

Gipili karon sa 55-anyos nga Alvarez nga modula sa Iponan kay sa iyang kanhi nga bando sa Alzbals, diin nanghawod bagohay lang sa Balingasag Open niadtong Enero.

Apan, mabutang ang Iponan A nga llamado nga bando ug sukwahi sa gipamulong nga usa ka “underdog.”

Si Alvarez lang daan gahawid og reputasyon isip pinaka bangiitang pitcher sa Mindanao labina sa mga perfect game nga iyang gitala sa kadalaing torneyo.

Gawas ni Alvarez, naa sab ang bangiitang batter sa Iponan nga sila Labiano Maagad ug Sandro Salazar.

Sila Maagad ug Salazar nailhan nga mopalo og mga homerun labina niadtong panahon pa sa Cagayan de Oro Baseball and Softball League (CBSL) sobra 14 ka tuig niagi.

Nakakuha pa sila og dugang pwersa gikan Malaybalay City nga sila Jeoffrey Tabura ug Nolan Melendez.

Gipasigarbo pa sa Konseho sa Iponan nga magpadala pa sila sa ilang ikaduhang bando nga ang Iponan B.

Gawas sa mga bando sa Iponan ug Alzbals, mosalmot sab ang Balingasag All-Stars ug ang host Alubijid All-Stars.

Mabal-an sab karong Sabado ang tanan teams nga moapil.