Houston, Toronto 2-0 sab

Jaime A. Frias II

GISEGUNDAAN sa Houston Rockets ug Toronto Raptors ang ilang labaw sa siryi ngadto sa 2-0 human gidaug sila sa ilang kadaiyang Game 2 nga dula sa NBA playoffs niadtong Huwebes, April 20.

Ang Rockets ug Raptors parehas nitagamtam og homecourt advantage ug komportableng naangkon ang mainit nga paglaban sa ilang gidapigan.

Giparot sa Rockets ang Oklahoma City Thunders sa iskor 115-111 didto sa Toyota Center.

Bangis nangulo si James Harden sa kadaogan sa Houston agi sa iyang 35 puntos, walo ka assists ug upat ka rebounds, samtang niabag sab si Eric Gordon og 22 puntos.

Gipilde sab sa Raptors ang Atlanta Hawks, 109-101, didto sa Wahington DC.

Nipupo og 32 puntos, siyam ka assists ug lima ka rebounds si John Wall alang sa Raptors, samtang nihatag sab si Bradley Beal og 31 puntos.

Sa pikas bahin, paingon sab ang Golden State Warriors nga mainat ang ilang ika-duha nga kadaogan.

Labaw ang Warriors batok sa Portland Trailblazers sa iskor 98-66 sa 5:51 minutos sa kataposang kwarter.