Frias: Pag-ihaw sa French Rubenstein

Jaime A. Frias II

KON mosurender ka sa imong central pawns, siguradoha nga andam ka sa imong gabuhaton.

Kay kon dili, grabe nga silot ang madawat sa imong posisyon.

Sama sa dula nila Fabiano Caruana ug Georg Meier sa ika-duha nga round sa Grenke Chess Classic, gisilotan ni Caruana ang pagdala ni Meier sa French Rubenstein.

Ang Rubenstein Variation sa French Defense mao ang pinaka lahi sa tanan sistema sa maong depensa.

Nailhan ang French nga huot ang dula apan ang kini nga sistema mitugot nga abrihon ang posisyon ug ihatag ang sentro sa puti.

Gani, ang Rubenstein mabutang nga usa ka “off-beat” o dili na kaayo gagamiton nga opening tungod kay gaitugot sa itom ang puti nga modiktar sa dula.

Una, ang puti naay space advantage. Mao ni nga rason nga kinanlan pas-pas ang itom nga maabri ang posisyon para mabuhi ang iyang mga bishop.

Sunod nga rason, mas paspas ang “development” on pagpagawas sa pyisa sa puti kompirar sa itom.

Kataposan, adunay opsyon ang puti nga mo-castle sa queenside para modekalara og gubat paingon sa kingside sa itom agi sa pawn storm o breaks.

Sa dula nila, gipakita ni Caruana giunsa niya gikapital ning tanan.

[Event "GRENKE Chess Classic"][Site "Karlsruhe GER"][Date "2017.04.17"]
[EventDate "2017.04.15"][Round "3.3"][Result "1-0"][White "Fabiano Caruana"][Black "Georg Meier"][ECO "C10"][WhiteElo "2817"][BlackElo "2621"]

1. e4 e6 2. d4 d5 3. Nc3 dxe4 4. Nxe4 Nd7 5. Nf3 Ngf6 6. Nxf6+ Nxf6 7. Be3 Bd6 8. Bd3 O-O 9. Qe2 (Pachada ug hapsay ang development sa puti. Gawas ana, kini nga move sa queen naghatag og opsyon sa puti nga mo-castle sa queenside) b6 10. O-O-O! (Mao ni ang prinsipyo sa “opposite castling” nga matag bando makamugna og flank attack ug paunhanay na kinsa makasamad) Bb7 11. Kb1 c5 12. Bg5 h6 13. Bh4 Rc8 14. c3 Be7 15. Bg3 cxd4 16. Nxd4 Rc5 17. Rhe1 Qc8 18. Be5 Nd7 19. Bf4 Nf6 20. h4 Rd8 21. Be5 h5 22. f3 Bd6 23. Bxf6 gxf6 24. Qe3 Kg7 25. f4 Rg8 26. Bc2 Bb8 27. Bb3 f5 (Huyang na ang pawn shelter sa itom. Pangitaa ang sunod nga tira sa puti)

28. Nxe6+! fxe6 29. Qd4+ Kh7 30. Rxe6 Be4+ 31. Ka1 Rg7 32. Qf6 Bxf4 33. Rd8 Qa6 34. Ree8 Qf1+ 35. Bd1 1-0