Assumption abante sa finals

Jaime A. Frias II

NIABANTE ang Assumption Montessori School-Cagayan de Oro City ngadto sa Division 2 finals human giparot nila ang La Salle Lipa-Batangas City, 60-56, atol sa 2017 SM NBTC National Championships niadtong Miyerkules sa gabii, Marso 15, sa Mall of Asia Arena.

Dako og garbo ang nadawat sa Assumption Jaguars ni coach James Racines tungod nga gipilde nila ang defending champion nga ang La Salle Lipa.

Maagbat sa Jaguars sa finals ang St. Jude College-Dasmarinas City, diin nagpilde sa Ateneo de Davao sa iskor 84-65 sa ilang semifinal nga panagsangka.

Si Rommel Calahat ang nibida sa Jaguars hinungdan nahimong Freego best player sa ilang semifinal nga dula.