Numero uno nga wanted sa Gingoog nadakpan

NASAPON ang usa ka numero uno nga wanted sa dakbayan sa Gingoog human kini nadakpan sa usa ka operasyon sa kapulisan.

Ang suspetsado giila nga si Felimon Ramorosa Ladao, alyas Bongker, hingkod ang pangidaron ug residente sa Gingoog, Misamis Oriental.

Nadakpan si Ladao sa mga sakop sa Gingoog City Police Station didto sa Barangay Kalipay, dakbayan sa Gingoog, Misamis Oriental.

Si Ladao adunay tulo ka kaso nga giatubang sama sa rape, sendoc form of rape, ug Acts of Lasciviousness nga gipasaka niadtong tuig 2015.

Ang unang kasong rape walay girekomendar nga piyansa samtang ikaduha ug ikatulong kaso moabot ngadto sa P180,000 ang girekomendar nga piyansa.