Pulis mihangyo'g kiss gireklamo

Kris C. Sialana

USA ka pulis ang gireklamo sa usa ka babaye human kini mihangyo og halok niadtong milabay nga adlaw sa ilang gi-abangan nga lawak nga sa Barangay Gusa, dakbayan sa Cagayan de Oro.

Nidangop sa buhatan sa kapulisan sa Police Station 3 (PS3) sa Agora si Jane (dili tinuod nga ngalan) ug lumad sa Zamboanga del Sur kinsa usa ka on-the-job training (OJT) sa usa ka tambalanan ning dakbayan samtang ang usa ka pulis naila lamang nga si Rafael ug usa ka Bisoc trainee.

Sa nahipos nga impormasiyon gikan sa kapulisan, gikabutyag nga samtang paingon na unta kini sa pansayan sa nahisgutang boarding house, nakatagbo niini ang lalaki nihangyo kini og halok hinungdan nga nabalaka kini gumikan kay dili man sila suod.

Giingong kalit lang nga giingnan kini sa lalaki nga “Pa Kissa ko bi” hinungdan nga gikabalaka niini.

Sa pagsulat niini nga balita, ang insidente ang nakatala na sa buhatan sa kapolisan alang sa tukmang disposasiyon.