CDRRMD nagpasalamat

Kris C. Sialana

NAGPASALAMAT ug gidayeg sa tinugyanan ug kadagkoan sa Cagayan de Oro City Disaster Risk Reduction and Management Department (CDRRMD) ang tanang mga hingtungdang ahensiya sa pagtabang sa pagpangandam sa posibleng epekto ni Bagyong Basyang sa dakbayan sa Cagayan de Oro.

Gipasalamatan ug gi-congratulate ni retired Colonel Mario Verner Monsanto, overseer sa CDRRMD ang tanang departamento nga lakip nga mitabang sa pagpangandam sa pag-abot ug sa posibilidad nga epekto sa Bagyong Basyang.

“Nakita naman natin yung ginawa ninyo para sa preperasiyon to order any untoward incident kung sakaling mang pumasok si Basyang sa atin so with that I would like to congratulate everybody, another job well done,” pahayag ni Monsanto.

Nasayran nga sukad pa niadtong wala pa mi-landfall si Bagyong Basyang nangandam na ang tinugyanan sa CDRRMD diin kumpleto ang kahimanan ug mga rescue team alang sa kung aduna ma’y panginahanglanon ang mga katawhan sa siyudad.

Nag-monitor na ang tanang mga hingtungdan nga ahensiya ug gi-activate ang Emergency Operation Center (EOC) lakip na ang Incident Management Team (IMT) diin naka-monitor tibuok adlaw ug gabii niadtong panahona nga gilangkoban sa mga ahensiya sama sa Bureau of Fire and Protection, Armed Forces of the Philippines, Philippine National Police, Department of Social Welfare and Development, Department of Education, Rescue team , lakip na ang media ug uban pa.

Swerteng wala’y gibilin nga kadaot ug wala’y natalang mga damyos dinhi sa siyudad atol sa paghapak sa maong bagyo diin mitipas kini ug wala na mi-agi mismo dinhi sa dakbayan.