Gitigbas sa kawatan, patay

PATAY ang usa ka trabahante samtang samaran ang kauban niini dihang gipangtigbas sa kawatan sa lungsod sa Sugbongcogon, Misamis Oriental.

Ang biktima naila sa ngalan nga alyas Dodong samtang ang kaubang samdan mao si Ruben Salinas, lumad nga taga lungsod sa Claveria, sa maong lalawigan.

Sa inisyal nga imbestigayon sa Sugbongcogon Police Station, nasuta nga kining mga biktima mga trabahante sa poultry sa maong dapit ug misita sa maong kawatan kinsa ilang gituohan nga mangawat ug feeds ug manok.

Apan inay nga mahadlok gitigbas hinuon ang mga biktima sa suspetdaso sa dala niini nga sundang.

Si Dodong maoy sobrang nagrabehan dihang nakaangkon og grabeng samad sa nagkadaiyang parte sa lawas hinungdan sa hinanaling kamatayon niini.

Samtang si Salinas nga samdan sa lang kamot nagpaalim sa Northern Mindanao Medical Center, dakbayan sa Cagayan de Oro.

Pabiling gawasnon ang suspetsado sa pagsulat niining balita human kini nakasibat. (SVB)