Bayot nga nagpa-cute gikulata

Kris C. Sialana

GISUMBAG sa ulitawo ang giingong usa ka bayot human nga nagsige og sunod-sunod niya sa Pacana/Pabayo streets, dakbayan sa Cagayan de Oro.

Nagpatala ang biktima nga si Michael (bansagon gitago), 25, ulitawo ug residente sa Kauswagan human nga gitabangan kini og pagkulata sa dihang iyang gisumbag ang usa ka bayot.

Sa impormasiyon nga nahipos gikan sa kapulisan sa Police Station 1 (PS1) sa Divisoria, daw napungot na kining si Michael sa usa ka bayot nga nagsige og sunod-sunod niya samtang anaa sa maong dapit.

Ang kalagot ang nagtuklod kaniya sa pagkulata sa bayot apan kalit nga mitumaw ang wala pa mailhing mga lalaki ug mikulata niya nga gituohan nga kauban sa bayot.

Gibana-banang moabot sa pito ka mga suspek ang mitabang sa pagkulata kang Michael hinungdan nga nakaangkon kini og bun-og sa nagkadaiyang parte sa lawas ilabi na sa iyang dagway.

Sa pagsulat niini nga balita, ang insidente ang nakatala na sa buhatan sa kapolisan alang sa tukmang disposasiyon.