Lalaki adunay 12 ka kaso sa estafa sikop

Kris C. Sialana

NAGTINGKAGOL sa bilanggoan ang usa ka giingong gapangilad human sa malampusong pagtunol sa warrant of arrest sa Velez/Cruz Taal streets, dakbayan sa Cagayan de Oro.

Sikop ang suspek nga si Francis Eric Balaba kinsa nag-atubang sa 12 ka mga kasong estafa human nga gi-isyuhan kini og warrant of arrest ni Presiding Judge Mary Ann Real, 9 Judicial Region MTC sa Molave Zamboang Del Sur.

Giingong gitunol ang warrant of arrest sa pagpangulo na usab ni Police Inspector Jessie Palencia ubos sa superbisyon ni Police Senior Inspector Glenn Abalde, hepe sa Police Station 1 (PS1) sa Divisoria inubanan sa personahe gikan sa Molave Municipa Police Station sa pagpangulo ni Senior Police Officer 4 Juanito Dading Aballe, human nga nasiplatan ang presensiya sa maong suspetsado sa dapit sa dakbayan.

Ang warrant of arrest adunay criminal case number nga 7,287-7,294 nga adunay piyansa nga P6,000 matag usa, 7,295 adunay piyansa nga P10,000, 7,296-7,297 diin P6,000 usab ang matag usa, 7,299 diin aduna usab kini piyansa nga P10,000 ug 7,300 diin sa piyansa nga P6,000.

Sa pagsulat niini nga balita, ang mga suspetsado anaa sa kustodiya sa Molave Municipical Police Station alang sa tukmang disposasiyon.