Del Monte Compound gi-atake sa NPA

GILUSAD pa karon sa kapulisan ang hot pursuit operation batok sa mokabat 100 ka mga sakop sa New People's Army (NPA) nga miatake sa Del Monte Compound niadtong niaging adlaw sa Barangay Merangeran, lungsod sa Quezon, Bukidnon.

Gibutyag ni Police Chief Inspector Jessel Longakit, spokesman sa Bukidnon Provincial Police Office, nga padayon ang operation uban sa koordinasyon sa Philippine Army.

Matud niini nga usa ka ten-wheeler trcuk uban ang mga motor vehicle nga armado ug mga armas, nagsul-ob og camouflage ang misulod diretso sa Davco kon Del Monte Compound ug diretsong gitionan ang security guard.

Gidis-armahan ug daw gikuhaan pa kini og cellphone lakip cash nga P500.

Human niini daw gipangsunog sa mga NPA ang mga ekip sa compound sama sa boom harvester, boom spryer, duha ka nurse truck, usa ka generatior set ug gidala sab og lakip ang base radio laki ang mga mabitbit nga mga welding machines.

Sa wala pa usab mibiya, ang mga gipabuthan sa grupo og improvised explosives device ang warehouse ug gipangbandalan ang gate sa compound.

Nagislbing getaway vehicle sa mga suspek ang boomtruck apan nakita na lamang kini sa Barangay Lumintao.

Matud ni Longakit nga dili kini tiaw nga pagpangatake batok sa mga nanarbaho tungod kay makahatag kini og trauma sa mga trabahante. Gawas niini daw mawad-an sab sila og panginabuhian.

Ang Police Regional Office-10 nag-awhag sa katawhan nga ireport ang mga insidente susama niini ug gipanawagan ang walhong grupo nga mobalik sa sabakan sa gobyerno.