NPA nga mag-sundalo dawaton na sa 4ID

GIKUMPIRMA ni Captain Joe Patrick Martinez, kinsa tigpamaba sa 4th Infantry Division (4ID) Philippine Army, nga bukas na sila karon sa pagdawat sa mga miyembro sa New People's Army (NPA) nga buot mosulod pagkasundalo.

Kini human ila na gipatuman ang mando ni Presidente Rodrigo Duterte nga dawaton ang mga walhong grupo nga mosulod sa sundalo ug andam mobalik sa sabakan sa gobyerno.

Matud ni Martinez nga aduna lamang silay pipila ka rekisitos aron kwalipikadong madawat sa pagkasundalo ang usa ka NPA ug kini mao ang kinahanglan nga balidong miyembro kini sa usa ka guerella front, ug adunay gihuptan nga armas nga andam nilang isurender.

Niadto sab, adunay mga record sa pagpamatay sa mga sundalo atol sa mga engkwentro kinahanglan usa silbihan sa NPA ilang criminal record usa sila iproseso.

Wala gipili nga edad sa mga mosulod kay ipaagi man kini sa masusing proseso hilabina nga aduna silay team nga gilangkuban sa kanhi NPA nga misurender na nga maoy mohimo og tsek sa background sa NPA.

Tungod niini, nanawagan si Martinez sa mga miyembro sa walhong grupo nga i-grab kini nga oportunidad labina mismo ang presidente maoy nitanyag niini ug panahon na usab kini nga magmalinawon ang nasod kung magtimbayayong.

Pinaagi niini dako og tabang kini sa pamilya sa mga NPA nga mahatagan og pulos ang ilang kinabuhi nga dili lang mamatay ug mabiyaan sa kakahoyan kung mamatay sa engkwentro.