Promo girl mireklamo batok sa mga kauban

Kris C. Sialana

MIREKLAMO sa kapolisan ang usa ka asawa human giakusahan sa iyang kauban sa trabaho nga kinawat ang t-shirt nga gisuot sa iyang bana nga regalo sa birthday niini.

Nidangop sa kapolisan nga si Julie (bansagon gitago), 37, minyo, usa ka promo girl nga taga Purok 5, Uzlai, Zone 12, Upper Carmen ning dakbayan sa Cagayan de Oro ug gireklamo ang iyang mga kauban nga sila Jane, Michael ug Raulito (bansagon pulos gitago).

Sumala sa alegasyon nga kinawat ang t-shirt nga gisuot sa iyang bana atol sa kasaulogan sa adlaw’ng natawhan niini.

Sa nahipos nga impormasiyon, giingong hugot nga gipanghimakak ni Julie ang alegasiyon gumikan kay ang t-shirt regalo sa igsoon sa bana ni Julie.

Sa pagsulat niini nga balita, ang insidente ang nakatala na sa nahisgutang buhatan sa kapolisan ug giduso na sa Barangay Lupon sa dapit.