Bakwit miabot na og kapin 150 mil sa Northern Mindanao

MISAKA na ngadto sa 161,280 ka pamilya ang mga bakwit nga apektado sa giyera sa Marawi City ang nia sa Northern Mindanao sukad nagsugod ang kagubot niadtong Mayo 23, ning tuig.

Ang Police Regional Office-Northern Mindanao nagpagawas og update kalabot sa pagsaka sa ihap sa mga bakwit.

  • Barangay Puerto - 388
  • Barangay Balulang - 4,469
  • Barangay Iponan - 534
  • Barangay Macabalan - 1,024
  • Barangay Kauswagan - 769
  • Barangay Patag - 164
  • Barangay Consolacion - 160
  • Barangay 31 - 353
  • Barangay Bulua - 492
  • Barangay Macasandig - 492
  • Barangay Puntod - 111
  • Barangay Nazareth - 1,185
  • Barangay Camaman-an - 768
  • Barangay Cugman - 189
  • Barangay Carmen - 1,497
  • Barangay Lapasan - 233

Sa Iligan City, adunay 88,799 diin ang home-based evacuees niini mokabat sa 84,972.

Sa probinsya sa Misamis Oriental, adunay natala nga 2,802 mikunhod kini ning panahona samtang sa Lanao Del Norte adunay 52,535; Misamis Occidental: 437; Bukidnon: 1,672 ug Camiguin, 41.

Samtang ang Department of Social Welfare and Development-Northern Mindanao nihatag sab og update kalabot sa kinatibuk-ang ihap nga naserbisyuhan sa buhatan.

Moabot ngadto sa 230,106 ka indibidwal ang nahatag ngadto sa mokabat 35 ka mga evacuation centers sa rehiyon.

Sa kinatibuk-an sab nga hinabang nga natabang moabot na ngadto sa P117,648,475.

Ang breakdown of cost assistance mokabat sa P88,476,998 alang sa family food packs ug P24,548,016 alang sa non-food assistance.

Padayon gihapon ang pagpaabot og hinabang sa ahensya ngadto sa mga biktima nga anaa karon pabilin sa evacuation center.