Dalaga gihilam samtang nagbaklay

Kris C. Sialana

NAKURAT ug gibati’g kabalaka ang usa ka dalaga human gihilam ang pribadong parte sa lawas samtang nagbaklay sa dalang Abellanosa-Capistrano, dakbayan sa Cagayan de Oro.

Kasamtangang anaa sa kustodiya sa kapolisan ang suspek nga si Ramonito (bansagon gitago), 42, ulitawo, taga Macabalan ning dakbayan dihang nasikop sa nirespondeng mga polis human sa reklamo ni Ann (dili tinuod nga ngalan), 20, dalaga, taga RER Subdivision, Barangay Patag ning dakbayan.

Sa impormasiyon gikan sa Police Station 1 sa Divisoria, gikabutyag nga samtang nagbaklay sa maong dapit si Ann kalit lang miduol ang suspek kaniya dayong hilam sa pribadong parte sa lawas.

Human sa insidente, daling nagpakitabang ang biktima sa mga otoridad hinungdan nga dali usab kining narespondehan nga miresulta sa pagkasikop sa suspek nga si Ramonito.

Sa pagkakaron, kasamtangan pa nga anaa sa kustodiya sa kapolisan ang suspetsado ug ang insidente ang nakatala na sa buhatan sa kapolisan.