Cocpo mobalhin na sa bag-ong buhatan

GIINGONG sa Mayo 12 ning tuig gikatakdang mobalhin sa bag-ong buhatan ang Cagayan de Oro City Police Office (Cocpo).

Kini ang gibutyag ni Cocpo spokesperson Mardy Hortillosa ug miingon nga gimuntar na karon ang tubig ug kuryente sa buhatan nga nahimutang sa Barangay 40 ning dakbayan.

Niaging bulan nahimo kining hisgotanan gumikan kay diay dugay na kining natukod apan wala mabalhinan tungod kay walay tubig ug kuryente nga namuntar.

Hinuon gibutyag ni Hortillosa susihon pa kini ni Police Regional Office Regional Director Agripino Javier usa ang gikatakdang pagbalhin.

Gibutyag sab ni Hortillosa nga ang City Public Safety Company (CPSC) ang magpabilin gihapon sa buhatan sa Maharlika Headquarters.

Malaumon kini nga unta mahinayon na ang pagbalhin ug wala nay mga kakulian aron dili na maoktaba.