Mga batan-on nakuhaag P1.8 milyon nga ‘shabu’

SAPON sa tinugyanan sa Philippine Drug Enforcement Agency (PDEA)-Northern Mindanao ang unom ka mga batan-on nga gitouhang nagtransaksyon og gitouhang shabu sulod sa usa ka inn niadtong Dominggo, Marso 19, alas 9 sa gabii sa Yacapin Extension, dakbayan sa Cagayan de Oro.

Target sa operasyon mao si Subaer Pampa uban sa lima ka mga kauban nga giilang sila si Calim Macatancob, Mohaimen Pampa, Najula Minalang, Japar Naga ug Mira Jane Libot, pulos hingkod ang mga edad, diin usa kanila graduating sa college.

Nakuha sa ilang mga posisyon ang mokabat walo ka mga dagkong pakete sa gitouhang shabu nga adunay gibug-aton nga 300 gramo mobalor og P1.8 milyon.

Gibutyag sa taga PDEA nga aduna silay nadawat nga inpormasyon nga usa ang maong inn sa gahimoung transaksyon sa ginadili nga droga.

Gisuta gihapon sa mga agent kung kinsa ang supplier niining mga batan-on nga gika-report nga gihimong panginabuhian.

Giingong walay bail bond sa ilang ipasaka nga kasong Republic Act 9165 kon Comprehensive Dangerous Drugs Act batok sa mga dinakpan tungod sa kadaghang ginadili nga droga nga nakumpiska gikan kanila. (SVB)