Detachment sa mga sundalo gi-harass sa NPA

GIKUMPIRMA ni Misamis Oriental Governor Yevgeny Emano nga adunay pagpang-harass nga gihimo sa gitouhang mga sakop sa New People’s Army (NPA) sa detachment sa kasundalohan diha sa bukid nga bahin sa dakbayan sa Balingasag Misamis Oriental.

Matud niini nga pinaagi sa Provincial Risk Reduction Management Department (PDRRMD) sa pagpangulo ni Fernando Vincent Dy nasuta nga adunay pagpang-harass alas 3 sa kadlawon niadtong Lunes, Marso 20.

Tungod niini daw ang maong pagpang-harass napugos sa pagsukol ang kampo sa kasundalohan ug gisunod ang mga NPA hinungdan adunay pagbinayloay sa bala nga natigayon.

Hinuon walay kaswalidad sa insidente apan gipanawagan ang katawhan nga magbinantayon.

Sa pagkakaron, si Philippine Army 4th Infantry Division spokesperson Joe Patrick Martinez nibutyag nga ang 58th Infantry Battalion ang wala pa naka-report kalabot sa insidente. (SVB)